IkadiDIY.com

Naskah Khutbah Jumat 2 September 2021 Versi Bahasa Jawa, Edisi 269, Ikadi DIY: PAUGERAN LELAMPAHAN DHATENG KAMPUNG AKHIRAT

PAUGERAN LELAMPAHAN DHATENG KAMPUNG AKHIRAT

Dening: Ust. Muhamad Mujari, S.T.
(Bidang Humas dan Media, PW Ikadi DIY)

Nyalin Basa: Ust. Dhanie Asy-Syakib, M.Pd.I
(PD Ikadi BANTUL, DIY)

 

 

Download PDF Materi Khutbah Jumat Ikadi klik dibawah ini:

 

Download MS Word Materi Khutbah Jumat Ikadi klik dibawah ini:

 

اَلْحَمْدُ لِلَّهِ الَّذِيْ جَعَلَ الدُّنْيَا زَادًا لِلْيَوْمِ الْآخِر، وَأَعَدَّ لِمَنْ آمَنَ بِهِ الْجَزَاءَ الْوَافِر.

وَأَشْهَدُ أَنْ لَا إِلَهَ إِلَّا اللهُ وَحْدَهُ لَا شَرِيْكَ لَه، وَلِيُّ الْمُؤْمِنِيْنَ وَعَلَى نَصْرِهِمْ قَادِر،  وَأَشْهَدُ أَنَّ سَيِّدَنَا وَنَبِيَّنَا مُحَمَّدًا عَبْدُ اللهِ وَرَسُوْلُه، لِلْهِدَايَةِ دَلِيْلٌ وَلِلْحَقِّ آمِر،  فَصَلِّ اللهم وَبَارِكْ عَلَيْهِ وَعَلَى آلِهِ وَصَحْبِهِ أَجْمَعِيْن، وَسَلِّمْ تَسْلِيْمًا كَثِيْرًا.

أَمَّا بَعْد؛

فَيَا عِبَادَ الله، أُوْصِيْكُمْ وَإِيَّايَ بِتَقْوَى اللهِ فَقَدْ فَازَ الْمُتَّقُوْنَ. قَالَ تَعَالَى: ((يَا أَيُّهاَ الَّذِيْنَ ءَامَنُوا اتَّقُوا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنتُمْ مُّسْلِمُوْنَ)).

((يَا أَيُّهَا الَّذِيْنَ ءَامَنُوا اتَّقُوا اللهَ وَقُوْلُوْا قَوْلاً سَدِيْدًا. يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوْبَكُمْ وَمَنْ يُطِعِ اللهَ وَرَسُوْلَهُ فَقَدْ فَازَ فَوْزًا عَظِيْمًا)).

 

Hadirin Jamaah Jumat rahimakumullah,

Gesang wonten inga alam donya inggih punika sawentawis. Kados dene setunggaling tiyang musafir ingkang nglangkungi setunggaling kampung. Piyambakipun mendel sekedhap lajeng nglajengaken Lelampahan. Rasulullah saw. Sampun paring piwucal dhateng kula lan panjenengan sami, ingkang rumiyin ugi sampun dipun aturaken dhateng Ibnu Umar Radhiyallahu ‘anhuma,

 

كُنْ فِي الدُّنْيَا كَأَنَّكَ غَرِيْبٌ أَوْ عَابرُ السَّبِيلِ.

Dadio awakmu ing donya iki kaya wong asing utawa kaya wong lelungan adoh kang liwat dalan.(H.r. H.r. Al-Bukhari, at-Tirmidzi, Ibnu Majah, dan Ahmad)

 

Allah Ta’ala ugi ngemutaken dhateng kula lan panjenengan sami, menawi donya inggih punika dolanan lan gegojekan kemawon, kados dene ngendikanipun Gusti Allah Azza wa Jalla,

 

وَمَا الْحَيٰوةُ الدُّنْيَآ اِلَّا لَعِبٌ وَّلَهْوٌ ۗ وَلَلدَّارُ الْاٰخِرَةُ خَيْرٌ لِّلَّذِيْنَ يَتَّقُوْنَ ۗ  اَفَلَا تَعْقِلُوْنَ.

“Lan panguripan donya iki ora liya yaiku dolanan lan gegojekan. Lan pancen kampung akhirat iku luwih becik tumrap wong-wong kang takwa. Banjur apa siro ora mangerti?” (Q.s. Al-An’am: 32).

 

Punika kala wau gambaran panggesangan kula lan panjenengan sami wonten ing alam donya punika. Donya ingkang kula lan panjenengan sami panggeni sak punika namunga ampiran sawentawis kemawon. Ampun ngantos kula lan panjenengan sami lena amargi kaendahan lan kanikmatanipun, ngantos nglirwaaken kampung akhirat. Supados lelampahan kula lan panjenengan sami wonten ing alam donya tumuju kampung akhirat saged kalis sukses, pramila wonten perkawis ingkang kedah kula lan panjenengan sami estoni, inggih punika:

 

Sepisan, netepaken tujuwan

Setunggaling lelampahan badhe kasil menawi kaping sapisan kula lan panjenengan sami saget netepaken tujuwan ingkang cetho. Menawi kula lan panjenengan sami badhe lelampahan ananging tujuwan mboten kantenan, pramila ampun gelo menawi kula lan panjenengan sami mboten dumugi ing tujuwan. Keranten saking awal estu mboten kagungan tujuwan ingkang cetho. Makaten ugi menawi tujuwan panggesangan kula lan panjenengan sami mboten cetho temtu kemawon kula lan panjenengan sami ugi mboten saget kasil nglampahi panggesangan wonten inga alam donya punika. Lajeng, punapa tujuwan gesang kula lan panjenengan sami? Tujuwan gesang kula lan panjenengan sami inggih punika nggayuh ridhanipun Gusti Allah Tabaraka wa Ta’ala utawi Mardhatillah lan pupating lelampahan panggesangan kula lan panjenengan sami inggih punika kampung akhirat. Gusti Allah Ta’ala sampun paring pangandikan,

 

وَمِنَ النَّاسِ مَنْ يَّشْرِيْ نَفْسَهُ ابْتِغَآءَ مَرْضَاتِ اللّٰهِ ۗ  وَاللّٰهُ رَءُوْفٌ بِالْعِبَادِ.

“Lan ing antarane manungsa ana sing ngorbanake awake dhewe kanggo ngupayakake ridhane Gusti Allah, lan Allah iku Maha Ngapura tumrap para kawulane”(Q.s. Al-Baqarah: 207).

 

Pramila, saben amal ibadah kula lan panjenengan sami ingkang kita tindaaken wonten ing alam donya punika kedah nggayuh minangka amal ingkang tansah dipun ridhai dening Gusti Allah Ta’ala. Menawi amal kula lan panjenengan sami sampun diridhoi Gusti Allah, insyaa Allah badhe dados amal utami utawi Ahsanu Amala. Amal badhe kalebet Ahsanu Amala menawi dipun tindakaken kanthi ikhlasing manah krana Allah Tabaraka wa Ta’ala lan ugi ndherek tuntunanipun Kanjeng Nabi Muhammad Shallallahu ‘Alaihi Wasallam. Gusti Allah Ta’ala badhe paring rahmat lan kanugrahan  dhumateng kula lan panjenengan sami, sahingga kula lan panjenengan sami pikantuk kanugrahan agung mlebet kaswarganipun Gusti Allah Azza wa Jalla. Kanjeng Nabi Shallallahu ‘Alaihi Wasallam paring pangandikan,

 

قَارِبُوا وَسَدِّدُوا وَاعْلَمُوا أَنَّهُ لَنْ يَنْجُوَ أَحَدٌ مِنْكُمْ بِعَمَلِه، قَالُوا: يَا رَسُولَ اللَّهِ، وَلَا أَنْتَ؟ قَالَ: وَلَا أَنَا، إِلَّا أَنْ يَتَغَمَّدَنِيَ اللَّهُ بِرَحْمَةٍ مِنْهُ وَفَضْلٍ.

“Sira tansah nyedhak (marang Gusti Allah) lan jejegna (istiqamah), lan mangertia menawa ana ing antaraning siro ora bakal slamet amarga tumindake. Para sahabat takon, Punapa Panjenengan ugi, Dhuh, Rasulullah? ” Nabi mangsuli, aku uga ora. Aku ora slamet amarga tumindakku mung sing diparingi rahmat lan kanugrahan dening Gusti Allah.” (H.r. Muslim).

 

Hadirin Jamaah Jumat Rahimakumullah

Ingkang kaping kalih, nyiapaken sangu panggesangan

Sangu, punapa kemawon wujudipun estu wigatos lan dipun betahaken. Kalebet lelampahan dhateng kampung akhirat. Lelampahan kita dhateng akirat estu langkung tebih nglangkungi lelampahan ingkang nate kita lampahi wonten ing alam donya. Lelampahan gesang kita ugi minangka sowan dhateng Gusti Allah, Dzat ingkang Maha Mulya. Pramila, amal kesaean kita kedah langkung kathah lan langsung istimewa wonten ing ngarsanipun Gusti Allah Tabaraka wa Ta’ala.

 

Punapa sangu ingkang mulya wonten ing ngarsanipun Gusti Allah Ta’ala? Sangu punika sanes artha bandha mas picis raja brana. Ugi sanes pangkat drajat. Ananging sangu ingkang paling utami inggih punika takwa. Gusti Allah Ta’ala ngendika,

 

وَتَزَوَّدُوْا فَاِنَّ خَيْرَ الزَّادِ التَّقْوٰى ۖ  وَاتَّقُوْنِ يٰٓاُولِى الْاَلْبَابِ.

“Lan sira goleko sangu urip, lan sejatine rezeki sing paling apik yaiku takwa lan sira takwa marang Ingsun, hei wong-wong kang duweni akal.” (Q.s. Al-Baqarah: 197).

 

Taqwallah (takwa dhumateng Gusti Allah SWT) punika kedah kita agem lan dadosaken sangu utami wonten ing panggesangan ing alam donya punika, wonten pundi kemawon lan kados pundi kawontenanipun. Rasulullah Shallallahu ‘Alaihi Wasallam ngendika,

 

اتَّقِ اللَّهِ حَيْثُمَا كُنْتَ وَأَتْبِعْ السَّيِّئَةَ الْحَسَنَةَ تَمْحُهَا وَخَالِقِ النَّاسَ بِخُلُقٍ حَسَنٍ.

“Sira takwa marang Gusti Allah, ing endi wae, lan tindakake tumindak ala kanthi tumindak sing apik, mesthine tumindak sing apik bakal ngilangi sing ala lan sira srawunga marang wong kanthi tumindak sing becik”
(H.r. At-Tirmidzi, Ahmad lan ad-Darimi)

 

Kanthi takwa punika, insyaa Allah kita badhe lempeng, istiqamah nglampahi panggesagan wonten ing alam donya punika. Mboten gampil goyah wonten ing panggesangan punika lan mantep netepi panggesangan wonten ing akhirat.

 

Hadirin Jamaah Jumat Rahimakumullah

Ingkang kaping tiga, nggugu kaliyan pitedah paugeran gesang

Pitedah mutlak dipun  betahaken wonten ing saben lelampahan punapa kemawon. Setunggaling tiyang musafir, bilih badhe wilujeng dumugi tujuwan mesthi mbetahaken pitedah arah rupinipun GPS, kompas, peta, utawi tanda alam. Bilih menawi pitedah punika mboten wonten, utawi wonten pitedah ananging mboten kersa nggugu dhateng pitedah punika, pramila piyambakipun sedaya badhe kesasar lan mila mboten saged dumugi ing papan ingkang dipun tuju.

 

Mekaten ugi perkawis lelampahan gesang ing alam donya tumuju kampung akhirat. Lelampahan punika estu langkung awrat lan menggak-menggok. Pramila, mutlak mbetahaken pitedah ingkang saget nggampilaken tujuwan akhir kita dhateng kanugrahan lan kaswargan. Pitedah punika inggih punika Al-Qur’an lan as-Sunnah. Kanjeng Nabi Shallallahu ‘Alaihi Wasallam ngendika,

 

تَرَكْتُ فِيكُمْ أَمْرَيْنِ لَنْ تَضِلُّوا مَا تَمَسَّكْتُمْ بِهِمَا كِتَابَ اللَّهِ وَسُنَّةَ نَبِيِّهِ.

“Ingsun ninggalake sira rong perkara sing ora bakal kesasar anggere sira tetep ngrengkuh, yaiku Kitab Allah (Al-Qur’an) lan Sunnah Nabi.” (H.r. Malik)

 

Al-Qur’an lan As-Sunnah, punika minangka pitedah ingkang saestu leres. Pitedah ingkang dipun ngendikaaken dening Dzat ingkang Maha Leres. Pramila, sumangga kita estu nglestantunaken Al-Qur’an lan As-Sunna punika, kanthi caos sengkuyung 5 M: Membaca (maos), Menghafal (ngapalaken), Memahami (mangertosi), Mengamalkan (ngamalaken), lan Mengajarkan (mucalaken) Al-Qur’an dan As-Sunnah. Insyaa Allah gesang kita badhe berkah, manfaat, lan wilujeng donya akhirat.

 

Hadirin Jamaah Jumat Rahimakumullah

Ingkang kaping sekawan, rencang ingkang nggadahi visi ingkang sami

Rencang saklebeting lelampahan dipun betahaken sanget supados sami-sami njagi lan ngemutaken. Pramila kita kedah ngatahi rencang ingkang sae lan setunggal visi misi wonten ing panggesangan. Rencang wonten ing perkawis puniki wiyar maknanipun, ngliputi kathah perkawis, upaminipun kanca sejatos lebeting gesang inggih punika garwa sisihan, rencang wonten ing keluargi inggih punika putra lan sadherek, rencang  wonten ing sesrawungan masyarakat, rencang wonten ing glanggang payudan, rencang wonten ing pakaryan lan sanesipun.

 

Sedayaning rencang kasebat badhe nemtukaken kwalitas dhiri kita. Setunggaling tiyang saged dipun tingali saking kawontenan rencang-rencangipun. Jumbuh kaliyan Ngendikanipun Kanjeng Nabi Shallallahu ‘Alaihi Wasallam,

 

الرَّجُلُ عَلَى دِينِ خَلِيلِهِ، فَلْيَنْظُرْ أَحَدُكُمْ مَنْ يُخَالِلُ.

“Sawijining wong iku manut agamane kancane. Mula, gatekake sapa kancamu.”
(H.r. Abu Dawud).

 

بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَنَفَعَنِيْ وَإِيَّاكُمْ بِمَا فِيْهِ مِنَ اْلآيَاتِ وَالذِّكْرِ الْحَكِيْمِ، أَقُوْلُ قَوْلِيْ هَذَا وَأَسْتَغْفِرُ اللهَ الْعَظِيْمَ لِيْ وَلَكُمْ فَاسْتَغْفِرُوْهُ، إِنَّهُ هُوَ الْغَفُوْرُ الرَّحِيْمُ.

 

Khutbah Kaping Kalih:

 

اَلْحَمْدُ لِلَّهِ الَّذِيْ أَرْسَلَ رَسُوْلَهُ بِالْهُدَى وَدِيْنِ الْحَقِّ لِيُظْهِرَهُ عَلَى الدِّيْنِ كُلِّهِ وَلَوْ كَرِهَ الْكَافِرُوْنَ.

أَشْهَدُ أنْ لاَ إِلَهَ إلاَّ اللهُ وَحْدَهُ لا شَرِيكَ لَهُ، وَأَشْهَدُ أنَّ مُحَمَّدًا عَبْدُهُ وَرَسُولُه.

((يَاأَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلا تَمُوتُنَّ إِلا وَأَنْتُمْ مُسْلِمُونَ)).

((يَاأَيُّهَا الَّذِينَ آمَنُوا اتَّقُوا اللَّهَ وَقُولُوا قَوْلا سَدِيدًا يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ وَمَنْ يُطِعِ اللَّهَ وَرَسُولَهُ فَقَدْ فَازَ فَوْزًا عَظِيمًا)).

أَعُوْذُ بِاللهِ مِنَ الشَّيْطَانِ الرَّجِيْمِ بِسْمِ اللهِ الرَّحْمَنِ الرَّحِيْمِ.

اَللَّهُمَّ صَلِّ عَلَى سَيِّدِنَا وَحَبِيْبِنَا وَشَفِيْعِنَا وَكَرِيْمِنَا وَمَوْلاَنَا مُحَمَّدٍ سَيِّدِ اْلأَوَّلِيْنَ وَاْلأَخِرِيْنَ وَسَلِّمْ وَرَضِيَ اللهُ تَعَالَى عَنْ كُلِّ صَحَابَةِ رَسُوْلِ اللهِ أَجْمَعِيْنَ .

اَلْحَمْدُ لِلَّهِ رَبِّ العَالَمِيْن، حَمْدًا يُوَافِي نِعَمَهُ وَ يُكَافِئُ مَزِيْدَهُ.

يَا رَبَّناَ وَلَكَ الْحَمْدُ وَلَكَ الشُّكْرُ كَمَا يَنْبَغِي لِجَلاَلِ وَجْهِكَ وَعَظِيْمِ سُلْطَانِكَ.

اَللَّهُمَّ اغْفِرْ لِلْمُسْلِمِيْنَ وَالْمُسْلِمَاتِ، وَالْمُؤْمِنِيْنَ وَالْمُؤْمِنَاتِ، اَلْأَحْيَاءِ مِنْهُمْ وَالْأَمْوَاتِ، إِنَّكَ سَمِيْعٌ قَرِيْبٌ مُجِيْبُ الدَّعَوَاتِ، فَيَا قَاضِيَ الْحَاجَات

رَبَّناَ اغْفِرْ لَناَ ذُنُوْبَناَ وَلِوَالِدِيْناَ وَارْحَمْهُمْ كَمَا رَبَّوْناَ صِغَاراً.

للَّهُمَّ أَصْلِحْ لَنَا دِيْنَنَا الَّذِيْ هُوَ عِصْمَةُ أَمْرِنَا، وَأَصْلِحْ لَنَا دُنْيَانَا الَّتِيْ فِيْهَا مَعَاشُنَا، وَأَصْلِحْ لَنَا آخِرَتَنَا الَّتِيْ إِلَيْهَا مَعَادُنَا، وَاجْعَلِ الْحَيَاةَ زِيَادَةً لَنَا فِيْ كُلِّ خَيْرٍ، وَاجْعَلِ الْمَوْتَ رَاحَةً لَنَا مِنْ كُلِّ شَرٍّ.

اَللَّهُمَّ اِنَّا نَعُوْذُ بِكَ مِنْ عِلْمٍ لَا يَنْفَعُ، وَمِنْ قَلْبٍ لَا يَخْشَعُ، وَمِنْ نَفْسٍ لَا تَشْبَعُ، وَمِنْ دُعَاءِ لَا يُسْتَجاَبُ لَهُ.

اَللَّهُمَّ أَعِـزَّ اْلإِسْلاَمَ وَالْمُسْلِمِيْن، وَدَمِّـرْ أَعْـدَاءَ الدِّيْنِ، وَاخْذُلْ مَنْ خَـذَلَ اْلإِسْلاَمَ وَالْمُسْلِمِيْن.

اللّـهُمَّ اِنّا نَسْأَلُكَ أَنْ تَرْزُقَنَا دَوْلَةً كَريمَةً، يُعِزُّ بِهَا الإِسْلاَمُ وَأَهْلُهُ، وَيُذَلُّ بِهَا النِّفاقَ وَأَهْلُهُ، وَتَجْعَلُنَا فِيْهَا مِنَ الدُّعاةِ إِلَى طاعَتِكَ، وَالْقادَةِ إِلَى سَبيلِكَ، وَتَرْزُقُنا بِها كَرامَةَ الدُّنْيا وَالأَخِرَة.

اللَّهُمَّ أَصْلِحْ شَبَابَ الْمُسْلِمِيْنَ، وَحَبِّبْ إِلَيْهِم الإِيْمَانَ وَزَيِّنْهُ فِيْ قُلُوبِهِمْ، وَكَرِّهْ إِلَيْهِم الْكُفْرَ وَالفُسُوْقَ وَالعِصْيَانَ، وَاجْعَلْهُمْ مِنَ الرَّاشِدِيْنَ بِرَحْمَتِكَ يَا أَرْحَمَ الرَّاحِمِيْنَ.

سُبْحَانَ رَبِّكَ رَبِّ الْعِزَّةِ عَمَّا يَصِفُونَ وَسَلَامٌ عَلَى الْمُرْسَلِين، وَالْحَمْدُ لِلَّهِ رَبِّ الْعَالَمِينَ.

أَقِيْمُوا الصَّلَاة…

Leave a Comment

Your email address will not be published. Required fields are marked *